Mukhtasir
halaat-e-zindagi Hazrat molana molvi syed haji mohammad qasim hussain hashmi Mustafai
fazl-e-rehmani aala mehboob-e-rasool barielvi qudus sirrah-ul-aziz Hazrat
Molana Molvi Shahenshah Syed Haji Mohammad Qasim hussain hashmi mustafai fazl-e-rehmani
aala mehboob-e-rasool ka silsila-e-nasabi hashmi aur silsila-e-nisbati musatafi
fazl-e-rehmani hai.Aap kay moris-e-aala Hazrat Syedna-o-Molana Khasatullah (raziAllah
tala anhu) Arab say Hindustan main aakar Sambhal zila Muradabad main muqeem huway,mosuf
say Hindustan main silsila Abasia jaari hua.Isi khandan kay ek buzurg Syedna-o-Molana
Qazi Abdul Salam (razi allah tala anhu),Sambhal say Barieli shareef tashreef laye
aur yahin bod-o-baash ikhtiyaar farmaye.
Mosuf Qazi Abdil Salam( razi Allah tala anhu) ke aulad main Syedna-o-Molana Mohammad
Ahsan khan( razi Allah tala anhu )haan darbar-e-Shahenshah Aurangzaib Alamgir
main ba-Uhda Qazi mamoor huway thay aur inhain shahi ustaad honay ka bhi sharf
hasil tha,jis kay silay main "khan" ka khitaab aur bawan(52) gaaon ata
farmaye gaye thay,mager hukumat-e-Bartania nay imlaak-e-mazkura zabt kar kay is
kay aewaz kul khandan kay liye woseeqa moqarrar kardiya.Haji mian (rehmatullah
alai) ko jo isi khandan kay chashm-o-chiraagh thay,ta-hayat un kay hissay kay
mutabiq muballigh 212 rupay 10 aanay 2 paye sikka raij-ul-waqt woseeqa milta raha.
Haji sahib qibla ka khandan hamesha ilm dost raha.Aap kay khandan main Ulama,
Fuzalaa,Poets,Hukama aur Haffaaz paida huway.Ap kay par-dada Molana Shaahab uddin
Hashmi sahab kay shagird jinnaat bhi thay "Sikandar namay" ke shara
tau un ka khaas hissa hai,Ap kay dada Molvi Hakeem Wahab uddin Hashmi sahab mutakhallas-ba
mahar ko Hazrat Molana Shah Fazl-e-Rehman Gunj Muradabadi Qudus sirrahu nay khilafat
ata farmaye thi aur Hakeem Wahab uddin sahab Mahar ka shumaar us waqt kay Ustaad-us-shura
main hota tha.Haji sahab (razi Allah tala anhu) shairi main apnay dada mazkura
he kay shagird thay.
Haji sahab ko bachpan he say khail kood say koi dilchaspi nahin thi,samajhdaar
honay par apnay dada ka naatia kalaam parhtay thay,isi shoq ke bina per apnay
hum umar larkoon ko ghar bulatay aur un kay saath naat shareef parhtay.Huzoor
(sallallahoaliwasalm) say aap kay ishq-o-mohabbat ka yeh alam kay jo larkay naat
shareef parhnay aatay,un ke har tarha khatir madarat kartay takay wo rozana aatay
rahain aur naat shareef sunatay rahain,aap bachpan he say soum-o-salaat kay pa-band
thay aur apna zada waqt yaad-e-Ilahi aur Zikr-e-Rasool (sallalahoaliwasalm)
main sarf kartay thay,aap ka naatia kalaam mukammal tor per duaia hai aur is kay
mutalay say qaraeen khoob andaza karsaktay hain kay Haji sahab qibla ka andaz-e-bayaan
dosray naat gou shura say kis qadar mukhtalif hai. Haji sahab nay urdu,farsi
aur arabi taleem apnay dada Hakeem Wahab uddin sahab say hasil ke jis ka uper
zikar kiya gaya.shairi main bhi apnay dada kay shagird huway aur naat goe main
ek aala maqaam hasil kiya,jis ka bain saboot aap ka deewaan "Bahishti Chiraagh"
hai,aap ko angraizi taleem hasil karnay kay liye ek angraizi school main dakhil
kiya gaya.urdu,farsi aur arabi zabaan ke tarha aap ko angraizi zabaan par bhi
dastaras hasil thi.
Dada aur walid kay inteqaal kay baad majburan Barieli shareef kay cantonment board
main mulazmat ikhtiyaar farmaye aur aala Uhday par faaiz huway.Arsa daraaz tak
mazkura Uhday par faaiz rahay.Aap mulazmat kay douraan daftari auqaat kay intehai
paband thay aur wahan bhi taqwa ka yeh alam tha kay kabhi daftar ke stationary
bhi zaati masraf main nahin laye.Douraan-e-mulazmat he aap nay 1919 main Haj-e-Akbar
ke saadat hasil farmaye,jahan Huzoor pur Noor Syed-e-Alam (sallalahoaliwasalm)
nay aap ko khilafat ata farmaye aur farmaya kay "merey pyaray dularay sabir-o-shakir
aala mehboob Syed Qasim Hussain Mehboob-e-Ilahi tumharay peer Fazl-e-Rehman Mehboob
Mehboob-e-Ilahi hain" aur farmaya kay "tum jis ko chaho khilafat day
saktay ho".
Haji sahab qibla ke mazkura bala khilafat ke tasdeeq ba-kasrat Aulia Allah nay
farmaye.Mazeed yeh kay jab Gunj Muradabad shareef main Haji sahab qibla Molana
Rehmatullah mian nabeera ja-nasheen-e-azam Molana Fazl-e-Rehman ke khidmat main
hazir huway tau unhoon nay mazkura farmaan-e-Mustafai shareef ke tasdeeq farmatay
huway khud apni khilafat bhi ata farmaye jaisa kay un ke Mandar-ja-zail tehreer
say zahir hai. Haj say wapsi kay baad aap nay mulazmat say istefa day
diya aur Gousha-e-Nasheeni ikhteyaar farmaye.Zaroriyaat-e-zindagi khandani waseeqay
say jo mubalaq 212 rupay 10 aanay 2 payee tha, puri kartay rahay,makhloq-e-Ilahi
joq dar joq aap ke khidmat-e-aqdas main hazir hokar fuyoz-o-barkaat hasil karnay
lagi aur aap nay rashd-o-hidayat ka silsila jaari kardiya.
22 Rajab-ul-murajjab 1347 Hijri ko aali janab Shahzada Jalil-ul-Qadar Syed Shah
Ismail sahab Sunni Hanafi Makki Madani Rafai apnay seenay say ek botal shareef
lagaye huway janab Moulana Moulvi Sufi Shah Amjab Raza Khan sahab Qadri Noori
Barkati Marervi(jo Mustafa Raza Khan sahab kay haqeeqi mamoo thay) kay hamrah
Shahehshah-e-Konain (sallalahoaliwasalam) ka yeh paigham-e-pak lay kaar Khanqah-e-Mustafai
shareef Barieli main tashreef laye aur Haji sahab ko yeh keh kar botal ata farmaye
kay is main Medina shareef kay Roza-e-aqdas kay ghusalay shareef ka khaas paani
hai jo naslan baad naslan un tak pohoncha hai aur Muhammad Mustafa sallallahoaliwasalm
nay apni zaban-e-aqdas muqaddas say irshaad farmaya hai kay "yeh paani Syed
Qasim Hussain Qudus sirrahu ko day kar hamari taraf say yeh muzda sunado kay tujh
say ma mureedeen-o-aulaad-o-ahle-bait mehshar main jannat ka vaada hai" aur
phir Mustafa (sallalahoaliwasalm) kay dast-e-aqdas shareef say Haji sahab qibla
ke masnad nasheeni ka waqeya bayan farmaya.
Yeh inaam aqdas shareef ba-zarya taba shuda ishtehaar aam kardiya gaya tha,is
liye ba-kasrat ahl-e-sheher-o-saknaan-e-bairoon-e-jaat nay aab-e-ghusalay shareef
nosh farmaya aur Madani Shehzaday ke mandarja-e-bala taqreer aur ziarat say mustafeez
huway.
Haji mian sahab (rehmatullah alai) ko Sarkar-e-doalam (sallallahoaliwasalm) say
intehai darjay ka ishq tha aur har waqt Huzoor (sallalahoaliwasalm) kay zikar-e-muqaddas
main mehev rehtay thay,lehaza aap is ishq-o-muhabbat main Urs-e-Mustafai shareef
nihayat adab-o-aehteraam kay saath jis ka aelaan har saal ba-zariya ishtehaar
kiya jata hai 20,21,22 March ko mosmi lehaz say Khanqah-e-Mustafai shareef Sufi
Tola Purana Sheher Baans Barieli main kartay rahay.Aap nay farmaya kay 12 Rabi-ul-Awwal
shareef ko 21 March aur Mosam-e-Fasl-e-Bahar thi,lehaza Rabi-ul-Awwal ka mahena
kabhi sardi,kabhi garmi aur kabhi barsaat main ata hai aur 20,21,22 march hamesha
Mosam-e-Fasl-e-Bahar main he hotay hain,lehaza Urs-e-Mustafai shareef ka silsila
Khanqah-e-Mustafai shareef Purana Sheher "Baans Barieli" main abhi tak
jaari-o-saari hai.Aap nay apnay tareekh-e-visaal 13 Rabi-ul-Awwal shareef kay
liye farmaya kay fateha karliya karo,mager Urs-e-Mustafai shareef kabhi band na
kiya jaye.Isi hokum kay tehet Urs-e-Mustafai shareef mandarja-bala tawareekh main
ahl-e-silsila Khanqah-e-Mustafai shareef "Baans Barieli" main munaqid
kartay hain aur Pakistan main mazkura Urs 21 March ko makaan number 947 block
15 Khanqah-e-Qasmi Mustafai shareef Federal B area Karachi Pakistan main nihayat
adab-o-aehteraam say manaya jaata hai.
Haji mian( rehmatulllah alai) kay hokum kay mutabiq aap kay mureed-o-khalifa Hazrat
Molana Muhammad Tahir Hussain Qasmi Mustafai Fazl-e-Rehmani Badayoni arsa-e-daraz
tak har shab do-shamba aqdas shareef ko Dawat-e-Meelad Aqdas shareef Badayun shareef(U.P.India)
main munaqid kartay rahay aur ab 13 Rabi-ul-Awwal shareef ko har saal jis tarha
ahl-e-silsila Khanqah-e-Mustafai shareef Baans Barieli(India) main Urs-e-Qasmi
munaqid kartay hain aur har shab panj-shamba aur har maah-e-qamri ke 13 tareekh
ko(Haji sahab ke tareekh-e-visaal ke nisbat say) Dawat-e-Meelad Aqdas shareef
munaqid kartay hain,isi tarha har saal 13 Rabi-ul-Awwal shareef ko Urs-e-Qasmi
shareef har qamri maah ke 13 tareekh aur har shab do-shamba ko Khanqah-e-Qasmi
Mustafai shareef Dastagir Federal B area Karachi main baad namaz-e-maghrib Dawat-e-Meelad
Aqdas Shareef munaqid hota hai,jis main makhloq-e-ilahi shareek hokar fuyuz-o-barkaat
hasil karti hai. Tareekh wiladat Haji Qasim Mustafai Fazl-e-Rehmani Aala
Mehboob-e-Rasool Barielvi Qudus Sirrahu Hazrat peer-o-murshid syedna-o-molana
shahenshah Haji Mohammad Qasim Hussain Hashmi Mustafai Fazl-e-Rehmani Aala Mehboob-e-Rasool
3 December 1887, ba-mutabiq 12 Rabi-ul-Awwal shareef 1305 Hijri, ba-roz yak-shamba,
ba-waqt 9:30 bajay shab zila Baans Barieli(U.P.India) main paida huway.
Tareekh-e-wisaal
Haji Qasim Mustafai Fazl-e-Rehmani Aala Mehboob-e-Rasool Barielvi Qudus Sirrahu
Hazrat peer-o-murshid syedna-o-molana shahenshah Haji Mohammad Qasim Hussain Hashmi
Mustafai Fazl-e-Rehmani Aala Mehboob-e-Rasool 13 Rabi-ul-Awwal shareef 1939 ko
wisaal farmagaye.Haji mian (Rehmatullah alai) ka Urs-e-Mubarak "Urs-e-Qasmi"
har saal 13 Rabi-ul-Awwal shareef ko manaya jaata hai jis main khalq-e-Khuda joq
dar joq aakar faiz-e-Qasmi hasil kartay hain.
|